Spm. etter fødsel

4. februar 2002

Hei

Er det mulig å få vite om detaljer rundt fødselen så lang tid som to år etter. Har ikke fått tilsendt noen fødselsjournal (?), skal man det?

Barnet ble tatt med sugekopp og jeg er redd for at det var sånn at jeg ikke greide å få det ut ved egen hjelp. Tenker på dette i forbindelse med eventuell ny graviditet.

4. februar 2002

Fødselsjournalen blir ikkje sendt automatisk til deg. Den må du be om, gjerne gjennom din faste lege eller jordmor. Du kan naturlegvis framleis få journalkopi, den skal vere arkivert og tilgjengeleg. Det kan hende du må betale litt for kopien, det varierer frå sjukehus til sjukehus. Vi betalte ingenting, men eg har høyrd om dei som måtte ut med ein femtilapp.

Eg vil anbefale deg å be om å få tilsendt kopi av journalen gjennom jordmor eller legen din, så de kan gå gjennom den saman. I alle fall på vårt sjukehus er det rutine at journal ikkje blir gitt ut til pasient dersom det ikkje er nokon til å gå gjennom journalen saman med pasienten først. Dersom du ikkje har jordmor/lege som du vil gjere dette med, kan du vel be om å få time på gyn. pol. der du fødte for å få ein gjennomgang der.

Eg forstår godt at du vil gå gjennom journalen. Min fødsel endte også med at babyen vart tatt med sugekopp, og her er det vanleg med tilbud om samtale før neste fødsel når det har vore litt meir uvanlege ting som har foregått undervegs. Det er *ikkje* gitt at det blir likedan neste gong, men det er jo viktig for å føle seg trygg!

Det er ikkje sikkert at du ikkje kunne ha fått ut barnet sjølv utan sugekoppen. Men omstenda rundt kan jo ha blitt slik at legen meinte det var best å hjelpe litt til. Kanskje det trakk i langdrag og både du og barnet vart utslitte? Eller kanskje det var andre ting.

Uansett årsak så vil journalen gi deg svar på dette, men eg vil som sagt veldig sterkt anbefale deg å få gått gjennom journalen saman med lege eller jordmor. Det er ikkje alltid at journalar er så lette å forstå for lekfolk. Plutseleg kan du sitte igjen med fleire spørsmål enn svar...

Lykke til!